თურქეთში მიწისძვრის შედეგად დაზარალებულ ორ რეგიონში მომხდარი წყალდიდობის შედეგად დაღუპულთა რაოდენობა 14-მდე გაიზარდა, მათ შორის 5 სირიელია. ოფიციალური პირების ინფორმაციით, ათასობით ადამიანი უსახლკაროდ დარჩა.
სტიქიას ერთი ადამიანი ემსხვერპლა ადიამანის პროვინციაში, როდესაც მოვარდნილმა ნიაღვარმა წაიღო კონტეინერი, რომელსაც მიწისძვრის შედეგად გადარჩენილი ოჯახი აფარებდა თავს.
თურქეთის შინაგან საქმეთა მინისტრის თქმით, მაშველები კიდევ 5 ადამიანს ეძებენ. მისივე თქმით, 12 ადამიანი სამხრეთ-აღმოსავლეთ სანლიურფს რეგიონში დაიღუპა, ორი კი ადიამანის პროვინციაში. წყალდიდობის შედეგად დატბორილია ქუჩები, ნიაღვარმა წაიღო მანქანები. რამდენიმე ადამიანია ევაკუირებული კარვებიდან, სადაც ისინი მიწისძვრის შემდეგ ცხოვრობდნენ.
