უკრაინის პრეზიდენტის ოფისის ხელმძღვანელი ანდრეი ერმაკი აცხადებს, რომ უკრაინელმა სამხედროებმა ბახმუტთან რუსული სუ-24 ჩამოაგდეს.
ერმაკი აქვეყნებს ვიდეოჩანაწერს, რომელშიც ჩანს აფეთება, ასევე სავარაუდოდ, მფრინავი, რომელიც კატაპულტირებას ცდილობს. თუ რა ბედი ეწია პილოტს, არაფერია ნათქვამი.
უკრაინის შეიარაღებული ძალების 93-ე ცალკეული მექანიზირებული ბრიგადის პრეს-ოფიცერმა ჟურნალისტებს დაუდასტურა, რომ თვითმფრინავი ნამდვილად ჩამოაგდეს.
სუ-24 გათვალისწინებულია სარაკეტო დარტყმებისთვის მარტივ და რთულ მეტეოპირობებში, დღისით და ღამით.
რუსეთს სუ-24-ის ჩამოგდების შესახებ კომენტარი ჯერ არ გაუკეთებია.
