პოლონეთის პრემიერ-მინისტრმა მათეუშ მორავიეცკიმ განაცხადა, რომ პოლონეთი უკრაინისთვის მიგ-29 ტიპის თვითმფრინავების გადაცემა მომდევნო 4-6 კვირაში შეუძლია.
მორავიეცკის პრესკონფერენციაზე ჰკითხეს, როდის გადაეცემოდა უკრაინას თვითმფრინავები. პოლონეთის პრემიერმა აღნიშნა, რომ ეს შესაძლოა, მოხდეს აპრილში.
„მიგ-29 ტიპის ავიაგამანადგურებლების გადაცემა, შესაძლოა 4-6 კვირაში მოხდეს“, - განაცხადა მორავიეცკიმ.
მანამდე პოლონეთის პრეზიდენტმა ანჯეი დუდამ განაცხადა, რომ ვარშავა მზად არის უკრაინას თავისი მიგ-29 ტიპის გამანადგურებლები გადასცეს საერთაშორისო კოალიციის ფარგლებში. მან გამოთქვა რწმენა, რომ მომავალში უკრაინა მიიღებს F-16 ტიპის თვითმფრინავებსაც.
პოლონელი სამხედრო ექსპერტები აცხადებენ, რომ ქვეყნის შეიარღებაში მიგ-29 ტიპის 30-მდე თვითმფრინავი ჰყავს.
