გლდანის ციხეში დღეს პატიმარი გარდაიცვალა. ინფორმაციას ადასტურებს იუსტიციის მინისტრის მოადგილე თორნიკე ჭეიშვილი.
მისი განცხადებით, ფაქტზე მიმდინარეობს გამოძიება.
"სამწუხარო ფაქტი მოხდა, რამდენადაც ჩემთვის ცნობილია, გამოძიება სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს. სპეციალური საგამოძიებო სამსახური აქტიურ რეჟიმში შესაბამის საგამოძიებო მოქმედებებს ახორციელებს.
დეტალებთან დაკავშირებით ვერ მოგახსენებთ, რამდენადაც ვფლობ ინფორმაციას, გლდანის დაწესებულებაში მოხდა და აქტიური საგამოძიებო მოქმედებები მიმდინარეობს“, - განაცხადა თორნიკე ჭეიშვილმა.
