ევროპული საქართველოსა და პარტნიორი ორგანიზაციების დეოლიგარქიზაციის კამპანია გრძელდება.

კამპანიის ფარგლებში 8 ივლისს ბათუმის ბულვარსა და 9 ივლისს ქუთაისში, მესხიშვილის თეატრის წინ ფილმის "ქართველი, მაშასადამე ევროპელის" ჩვენება გაიმართა.

ადგილზე მისულ მაყურებელს შესაძლებლობა ჰქონდა ეხილა ფილმი, რომელიც საქართველოსა და უკრაინის თავისუფლებისა და ევროპული გზისთვის ბრძოლას ეხება.

დღეს, 10 ივლისს დეოლიგარქიზაციის კამპანიის ფარგლებში ქ.ხონში 16:00 საათზე ფილმების "ქართველი, მაშასადამე ევროპელის" და "ბუჩამდე იყო აფხაზეთის" ჩვენება გაიმართება.

ასევე 10 ივლისს ქ. ქუთაისში 20:00 საათიდან კლუბ “ბუდეში” მისულ მაყურებელს შესაძლებლობა ექნება ექსპოზიცია “ბუჩამდე იყო აფხაზეთი” იხილოს. გამოფენის ნახვის შესაძლებლობა საზოგადოებას 11 ივლისამდე ექნება.

ექსპოზიცია "ბუჩამდე იყო აფხაზეთი" მოიცავს იმ საშინელ დანაშაულებს, რომელიც ბოროტების იმპერიამ, რუსეთმა აფხაზეთში ქართველების გენოციდის სახით ჩაიდინა.