საბურთალოს რაიონის გამგეობამ, ლისის ტბაზე, USAID საბაზისო განათლების პროგრამასთან პარტნიორობის ფარგლებში, ერთობლივი საგანმანათლებლო-შემეცნებითი ღონისძიება „მათემატიკური მარათონი“ გამართა.
ღონისძიებაში სკოლების მოსწავლეებისგან დაკომპლექტებულმა ექვსმა გუნდმა მიიღო მონაწილეობა, რომლებიც ერთმანეთს სხვადასხვა გასართობი აქტივობით ამოცანების ამოხსნაში ეჯიბრებოდნენ.
მოსწავლეებს სიმბოლური საჩუქრები და სერტიფიკატები გადაეცათ. დასასრულს კი, ბავშვებისთვის აზოტის შოუ გაიმართა.
