რუსეთში, იაკუტიაში ჩამოვარდა თვითმფრინავი Ан-30, რომელიც ოლენიოკის აეროპორტში უნდა დაშვებულიყო. იტყობინება სააგენტო "ინტერფაქსი".
მედიის ცნობით, თვითმფრინავის ჩამოვარდნის მიზეზი "უეცარი ტექნიკური გაუმართაობა" გახდა.
მანამდე, რეგიონის საგანგებო სიტუაციების სამინისტრო იტყობინებოდა, რომ თვითმფრინავი არ დაშვებულა დანიშნულ დროს ოლენიოკის აეროპორტში.
მაშველების თქმით, თვითმფრინავი კომერციულ რეისს ასრულებდა იაკუტსკიდან ოლენიოკის მიმართულებით.
წინასწარი მონაცემებით, ბორტზე იმყოფებოდა ეკიპაჟის ხუთი წევრი და 6,3 ტონა ტვირთი, ძირითადად საკვები.
"ინტერფაქსი" თავის წყაროზე დაყრდნობით წერს, რომ ეკიპაჟის ხუთი წევრის გარდა, თვითმფრინავის ბორტზე კიდევ ორი ტექნიკოსი იმყოფებოდა.
დაღუპულთა ან დაშავებულთა შესახებ ინფორმაცია არ ვრცელდება.