ბათუმში, საქართველოს ბანკის ერთ-ერთი ფილიალში შეიარაღებული პირი შეიჭრა და იარაღიდან ისროლა.
შემთხვევა ცოტა ხნის წინ მოხდა.
როგორც ცნობილია, თავდამსხმელმა მძევლების აყვანა სცადა. ის ითხოვდა სალაროს გახსნას.
გავრცელებული ინფორმაციით, ბანკის თანამშრომლებმა წინააღმდეგობა გაუწიეს, მან თანხის წაღება ვერ მოახერხა და გაიქცა.
თავდამსხმელი სავარაუდოდ, 25 წლამდე კაცია.
შინაგან საქმეთა სამინისტროს ინფორმაციით, ფაქტზე საქმე სისხლის სამართლის კოდექსის 179-ე (ყაჩაღობა) და 236-ე (ცეცხლსასროლი იარაღის უკანონო შეძენა-შენახვა) მუხლებით აღიძრა, დაკავებულია ერთი პირი.
