"ბევრი ფაქტორია, რამაც შეიძლება გავლენა იქონიოს საბოლოო ჯამში პოლიტიკურ გადაწყვეტილებაზე, ოღონდ რაც სამწუხაროდ ჩვენ ზუსტად ვიცით, არის ის რომ დღევანდელი მთავრობის, ივანიშვილისა და მისი გარემოცვის ხელში ჩვენ არ გვაქვს ჩვენი ამოცანის მიღწევის შანსი", - ასე ეხმაურება "ევროპული საქართველოს" თავმჯდომარე, გიგა ბოკერია ევროპული საბჭოს მიერ გავრცელებულ განცხადებას.
"ზუსტად რა ტიპის გადაწყვეტილებები იქნება მიღებული ბრიუსელში უკრაინაზე, პირველ რიგში ეს საკითხი დგას, შემდეგ მოლდოვაზე და სამწუხაროდ ამ მიმდევრობაში ბოლოს საქართველოზე, ამის პროგნოზირება არ არის მარტივი, ბევრი ფაქტორია, რამაც შეიძლება გავლენა იქონიოს საბოლოო ჯამში პოლიტიკურ გადაწყვეტილებაზე, ოღონდ რაც სამწუხაროდ ჩვენ ზუსტად ვიცით, არის ის რომ დღევანდელი მთავრობის, ივანიშვილისა და მისი გარემოცვის ხელში ჩვენ არ გვაქვს ჩვენი ამოცანის მიღწევის შანსი, რაც არა მხოლოდ კანდიდატობით არამედ ევროკავშირის წევრობით, იქამდე ნატოს წევრობით და ჯამში თავისუფალ სამყაროში დაბრუნებით, თავისუფალ, დაცულ ქვეყნად გახდომითა და სამშვიდობოს გასვლით შემოიფარგლება. სანამ ეს რეჟიმია ამის შანსი არ გვაქვს, ამიტომ უნდა შეცვალოთ ეს რეჟიმი თუ გვინდა რომ ამ გზაზე წინ წავიდეთ", - აცხადებს გიგა ბოკერია.
