"ლევან მამალაძის ადგილი ნამდვილად ივანიშვილის რეჟიმის გარშემოა, არ მიკვირს საერთოდ. მე ორმაგ სტანდარტსაც კი არ დავარქმევდი, ეგ არის მათი სტანდარტი. რითი არიან მამალაძისგან არსებითად განსხვავებულები ან სულისკვეთებით ან ფასეულობებით იმათგან ვინც გააქტიურებულია და ხელისუფლებაშია საქართველოში", - ამის შესახებ „ევროპული საქართველოს“ თავმჯდომარე, გიგა ბოკერიამ ჟურნალისტებთან საუბრისა განაცხადა.
"მე ვიტყოდი, აბსოლუტურად ლოგიკურია რომ ივანიშვილის რეჟიმის პირობებში მამალაძე ბრუნდება, დაგვიანდა კიდეც, იმიტომ რომ კვიციანი ეგრევე დააბრუნეს. ეს ცოტა გაეწელათ, არ ვიცი რატომ, რა მანიპულაციებს ან მოლაპარაკებებს ჰქონდა ადგილი, მაგრამ ისე სულისკვეთებით ბუნებრივია შევარდნაძის დროს ის იყო კორუფციისა და ქვემო ქართლში პოლიტიკური ძალადობის სიმბოლო. წმინდა წყლის ავტორიტარული რეჟიმებისთვის, პუტინისტური რეჟიმებისთვის დამახასიათებელი ფიგურა, გუბერნატორი. ივანიშვილის რეჟიმი არის რეაქციული, ოლიგარქიულ, კოლაბორაციონისტულად ერთად. მამალაძის ადგილი ნამდვილად ივანიშვილის რეჟიმის გარშემოა, არ მიკვირს საერთოდ. მე ორმაგ სტანდარტსაც კი არ დავარქმევდი, ეგ არის მათი სტანდარტი. რითი არიან მამალაძისგან არსებითად განსხვავებულები ან სულისკვეთებით ან ფასეულობებით იმათგან ვინც გააქტიურებულია და ხელისუფლებაშია საქართველოში. ისე არ გამიგოთ თითქოს ეს პრობლემა არ მგონია.
ეს ხელისუფლება იმით მოვიდა რომ რუსეთის ჯაშუშობაზე მსჯავრდებული ხალხი შეიწყალა, მოძალადეები, პუტინისტები, რომლებიც მსხვერპლად გამოაცხადა და სდევნის პოლიტიკურ ოპონენტებს. ბოლო მაგალითია ამის ყველაზე თვალსაჩინო, თუ ჩვენი პოზიცია ვინმეს მიკერძოებული ჰგონია შეუძლია ნახოს ამნესტი ინტერნეიშენალის განცხადება, იშვიათია ასეთი სწრაფი და მკაფიო რეაგირება. იმდენად თავხედურად არის შეკერილი გვარამიას საქმე, ბევრი გვინახავს შეკერელი, თუმცა ეს ივანიშვილის სტანდარტითაც კი გამორჩეულია. ანუ პროდასავლელი ოპონენტების დევნა ხდება პოლიტიკური ნიშნით და ყველა დანარჩენი ვინც ბუნებით არის პუტინისტური, ავტორიტარული რეჟიმებისთვის დამახასაიათებელი ფიგურა, არის ამ რეჟიმისთვის მისაღები. ამა თუ იმ ფორმით, ზოგი მეტად, ზოგი ნაკლებად, მაგრამ მინშვნელობა არ აქვს, ერთი სამყარო არიან. გინდ მამალაძე იყოს, გინდ კვიციანი, კაცი რომელიც საქართველოს წინააღმდეგ ღიად ამბოხდა და მერე ვითომ ვისაც ებრძოდა, რუსეთის მარიონეტულმა ხელისუფლებამ გაატარა, მოსკოვში ცხოვრობდა და იქიდან ეწეოდა ანტიდასავლურ პროპაგანდას. რატომ შეიძლება გინდოდეს რომ ასეთ ადამიანს ასე ვთქვათ გაუხსნა კარი. კვიციანი გამახსენდა რადგან პოლიტიკაში მოვა თუ არაო იკითხეთ მამალაძეზე, არ ვიცი არ გამოვრიცხავ მაგრამ რომც არ მოვიდეს ეს არ შეცვლის იმას რამხელა შარშია ეს ქვეყანა ივანიშვილის რეჟიმის პირობებში", - თქვა გიგა ბოკერიამ.
