რუსეთი საგარეო საქმეთა მინისტრი სერგეი ლავროვი აცხადებს, რომ სულაც აღელვებს ინტერნეტგვერდ Wikileaks.org -ზე შესაძლო საიდუმლო მასალის გამოქვეყნება.

"თუკი მათთან (აშშ-ში) იპარავენ საიდუმლო დოკუმენტებს, ასეთი რამ ჩვენთან არ ხდება. ყოველ შემთხვევაში, ამ რაოდენობით", _ განაცხადა ლავროვმა.

კითხვაზე _ აცნობა თუ არა აშშ-ის სახელმწიფო დეპარტამენტმა რუსეთს ამ დოკუმენტების შესაძლო გამოქვეყნების შესახებ, ლავროვმა განაცხადა: "მედიის მეშვეობით, როგორც ჩანს, გაგვაფრთხილეს. მე ჯერ არ წამიკითხავს".

შეგახსენებთ, რომ კორუფციული გარიგებების დამადასტურებელი ფაქტების გამოქვეყნებას ინტერნეტგვერდ Wikileaks.org -ის ადმინისტრაცია აპირებს. ჟურნალისტები აცხადებენ, რომ მათ ხელში ჩაუვარდათ აშშ-ის დაზვერვის მიერ მოპოვებული დოკუმენტები, სადაც რუსეთში არსებულ პოლიტიკურ ვითარებასა და ჩინოვნიკთა კორუფციულ გარიგებებზეა საუბარი. დოკუმენტები ამერიკელი დიპლომატებისა და რუსი პოლიტიკოსების საუბრებს, ასევე რუსეთში მიმდინარე ყველა მნიშვნელოვან მოვლენასა და შიდა და საგარეო პოლიტიკის ანალიზსაც მოიცავს.
ამ დოკუმენტებთან დაკავშირებით, სპეციალური განცხადება აშშ-ის სახელმწიფო დეპარტამენტმაც გააკეთა. მასში აღნიშნულია, რომ მასალის გამოქვეყნებამ შესაძლოა ამერიკისა და რუსეთის ურთიერთობებს სერიოზული დარტყმა მიაყენოს.