ქობულეთში მაშველებმა დელფინი სიკვდილს გადაარჩინეს. ინფორმაციას საგანგებო სიტუაციების სამსახური ავრცელებს.
"ქობულეთში მეხანძრე-მაშველებმა ზღვის სანაპიროსთან დელფინი გადაარჩინეს. მაშველებმა დელფინი იმ დროს შენიშნეს, როდესაც ის სანაპიროსთან ახლოს წყალმცენარეებიდან და ბადიდან გათავისუფლებას ცდილობდა.
სამაშველო კატარღის დახმარებით მაშველებმა დელფინი ბადიდან გამოათავისუფლეს და ზღვაში, მისთვის სასიცოცხლოდ მნიშვნელოვან უსაფრთხო არეალში გაუშვეს", - ნათქვამია უწყების მიერ გავრცელებულ განცხადებაში.
