თბილისში წყლის ტარიფი 5 წლის განმავლობაში აღარ გაიზრდება, _ ამის შესახებ განცხადება დედაქალაქის მერმა გიგი უგულავამ გააკეთა.
საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ თბილისისათვის წყალმომარაგების ახალი ტარიფი განსაზღვრა, რომელიც 3 ლარსა და 15 თეთრს შეადგენს. ახალი ტარიფი ძალაში 2010 წლის 1-ელი დეკემბრიდან შედის.
"2014 წლამდე წყლის ტარიფი რევიზია არ მოხდება და ტარიფი დარჩება უცვლლი. კომპანიის მიერ აღებული ვალდებულებების თანხად, კომპანია ვალდებულია 24 საათიანი წყლის მიწოდებით 2012 წლის ბოლომდე უზრუნველყოს თბილისის მოსახლება ძველ საზღვრებში, ხოლო 2014 წლამდე 24 საათიანი წყლის რეჟიმით თბილისის ახალი საზღვრების მომარაგება მოხდება"- განაცხადა გიგი უგულავამ.
თბილისის მერის ინიციატივით, სახელმწიფო კანცელარიაში წყლის სპეციალური კომისია შეიკრიბა. წყლის კომისიამ დააკმაყოფილა გიგი უგულავას წინადადება, რის საფუძველზეც წყლის ტარიფი შეუნარჩუნდება ანუ არ გაძვირდება იმ აბონენტებისთვის, რომელთაც წყალი გრაფიკით მიეწოდებათ.
შესაბამისად შეცვლილი ტარიფი 3 ლარი და 15 თეთრი ერთ სულზე გავრცელდება მხოლოდ იმ აბონენტებზე ვისაც წყალი 24 საათის განმავლობაში უწყვეტად მიეწოდება. ამასთანავე მნიშვნელოვანია, რომ თბილისის მერის მიერ ინიცირებული წინადადება წყლის მომწოდებელი კომპანიებისთვის იქნება სტიმული, რათა 2012 წლის ბოლომდე თბილისის ყველა უბანში მოსახლეობას წყალი ყოველგვარი შეზღუდვის გარეშე 24 საათის განმავლობაში მიეწოდოს. თბილისის მერის განმარტებით, სოციალურად დაუცველი მოსახლეობა, რომელიც თბილიის მაშტაბით 105 ათას ადამინს შეადგენს, წლის გადასახადის ნახევარს გადაიხდის, ხოლო დარჩენილ 50 პროცენტს თბილისის მერია დაფარავს, რაც გათვალისწინებულია თბილისის 2012 წლის ბიუჯეტში. მნიშვნელოვანია რომ თბილისში წყლის ტარიფის რევიზია არ მოხდება და ის უცვლელი დარჩება მომავალი 5 წლის განმავლობაში.
თბილისის მერის ინფორმაციით 2011 წლის ბიუჯეტი თბილისელების პრიორიტეტულობის მიხედვით განისაზღვრა რაც სერვისების გაუმჯობესებას, კომუნალური მომსახურეობის განახლებასა და უმწეოთა მაქსიმალურ სოციალურ დაცვას ემყარება. მუნიციპალური მომსახურეობის გაუმჯობესება თითოეული თბილისელის კეთილდღეობას მოემსახურება, მაგრამ განვითარებით გამოწვეული ცვლილებების პროცესში განსაკუთრებული ყურადღება ექცევა სოციალურად დაუცველ მოქალაქეებს. მათთვის მოქმედებს სპეციალურად დაწესებული შეღავათები და რა მოდერნიზებაც არ უნდა განიცადოს მომსახურეობამ, ნებისმიერ შემთხვევაში სოციალურად დაუცველთა შეღავათები შენარჩუნდება. თბილისის მერიის ინფორმაციით, სწორედ ახალი ბიუჯეტი არის უკეთესი მომსახურეობა, უკეთესი თბილისისთვის. რადგან ასეთ პირობებშია შესაძლებელი გრძელვადიანი სამუშაო ადგილების შექმნა და მძიმე სოციალური ფონის აღმოფხვრა.