გორი-იგოეთის მონაკვეთზე, სოფელ შავშვებთან ავტოსაგზაო შემთხვევის შედეგად 4 ადამიანი დაიღუპა, 1 კი დაშავდა.
დაღუპულთა შორის 8 წლის ბავშვია. დაშავებულია 9 წლის ბავშვი, რომელიც სასწრაფო-სამედიცინოს დახმარების ბრიგადამ გორის კლინიკა "გორმედში" გადაიყვანა. მას გადაუდებელი ოპერაცია უტარდება.
გავრცელებული ინფორმაციით, ავტობანზე მაღალი სიჩქარით მოძრავი ავტომანქანა გზის სავალი ნაწილიდან გადავარდა და ამობრუნდა.
მომხდარზე გამოძიება სისხლის სამართლის კოდექსის 276-ე მუხლით მიმდინარეობს, რაც მოძრაობის უსაფრთხოების და წესების დარღვევას გულისხმობს.
