უახლოეს პერიოში თბილისისა და ბათუმის საერთაშორისო აეროპორტებიდან ავიარეისებს ახალი უცხოური ავიაკომპანიები შეასრულებენ.
როგორც სააგენტო "ჯი-ეიჩ-ენს" "ტავ ჯორჯიადან" აცნობეს, კომპანია აქტიური მოლაპარაკებების შედეგად ურთიერთობა დაამყარა და მოლაპარაკებებს აგძელებს არაერთ ავიაკომპანიასთან, რომელთაგანაც უახლოეს პერიოდში ავია რეისების შესრულებას თბილისისა და ბათუმის საერთაშორისო აეროპორტების მიმართულებით გეგმავს.
კომპანიის ინფორმაციით, ქართული ავიაბაზრით უკვე დაინტერესდნენ Alitalia, Meridiana Fly, ATA Airlines, China Southern Airlines, El - Al Israel Airlines და ისრაელის ავიახაზები.
"ტავ ჯორჯიას" მიერ განხორციელებული აქტიური მუშაობის შედეგად 2010 წელს საქართველოს ავია ბაზარზე შემოვიდნენ ისეთი ავიაკომაპნიები, როგორიცაა პირველი დაბალტარიფიანი ავიაკომპანია - "პეგასუსი", პოლონური ავიაკომპანია "‘ლოტი", ავიაკომპანიები ‘"სიბირი", "ურალის ავიახაზები" და "ეარ ბათუმი", ხოლო ბაზარზე უკვე არსებულმა ავიაკომპანიებმა გაზარდეს ავია რეისები მსოფლიოს სხვადასხვა ქალაქების მიმართულებით.