მარტის ბოლომდე საქართველო "ფაიზერის" ვაქცინის ახალ პარტიას მიიღებს. ჯანდაცვის მინისტრის ზურაბ აზარაშვილის განცხადებით, ვაქცინების მოწოდების კუთხით პრობლემა არ არის.
"ვაქცინაციასთან დაკავშირებით ახლაც მიმდინარეობს ჩვენი კამპანია სხვადასხვა ადგილებში, უფრო მეტად ხელმისაწვდომი რომ იყოს ჩვენი მოქალაქეებისთვის. ჩვენი მობილური ჯგუფები, 30-მდე სხვადასხვა ჯგუფია, დადიან სხვადასხვა სოფლებსა და ქალაქებში, აქტიურად მიმდინარეობს ამის აგიტაცია. რაც შეეხება იმ ვაქცინებს, რომლებსაც ვადა მარტის ბოლომდე აქვს, მარტის ბოლომდე ახალი პარტია „ფაიზერის“ ვაქცინები შემოვა. ამ კუთხითაც ეს პრობლემა მოგვარებულია“ ,-განაცხადა აზარაშვილმა.
