კოვიდის სამკურნალოდ ამ პირობებში დღეს ყველაზე დიდი აქცენტი კეთდება "პაქსლოვიდზე", რომელიც არის "ფაიზერის" წარმოებული მედიკამენტი, - აცხადებს ჯანდაცვის მინისტრის მოადგილე. თამარ გაბუნიას განმარტებით, აღნიშნული მედიკამენტის მიღებაზე მუშაობა უკვე დაწყებულია.
"ჩვენ ვაწარმოებთ ამ მიმართულებით მუშაობას. დეტალების დაზუსტება მე დღეს კონტრაქტული ვალდებულებიდან გამომდინარე არ შემიძლია, თუმცა, მოკლე ხანში შევძლებთ დაზუსტებას, თუ როდის შემოვა მედიკამენტი ქვეყანაში,"- განაცხადა გაბუნიამ.
