გარემოსდაცვითი ზედამხედველობის დეპარტამენტის დასავლეთის რეგიონული სამმართველოს თანამშრომლებმა უკანონო თევზჭერის 3 ფაქტი გამოავლინეს.
ვანის მუნიციპალიტეტის სოფელ შუამთაში, მდინარე ყუმურზე, მოქალაქე ანკესზე დამაგრებული სახლართი ბადით, ე.წ. პარაშუტით ახდენდა თევზჭერას. სამართალდამრღვევს მოპოვებული ჰქონდა შერეული სახეობის, 0,5 კგ-მდე თევზი.
ანკესზე გამობმული სახლართი ბადით (ე.წ. პარაშუტი) ახორციელებდა თევზჭერას მოქალაქე ქალაქ ქუთაისშიც, მდინარე რიონზე.
ბაღდათის მუნიციპალიტეტის სოფელ ვარციხეში კი, მოქალაქე თევზჭერას კაშხალთან, აკრძალულ 500-მეტრიან ზონაში ახდენდა.
სამართალდამრღვევების მიმართ შედგა შესაბამისი დოკუმენტაცია.
