სოციალური მომსახურების სააგენტოს თანამშრომლებმა გაფიცვა შეწყვიტეს.

"სოლიდარობის ქსელის" მიერ გავრცელებულ განცხადებაში ნათქვამი, რომ თანამშრომლების პროტესტი მოლაპარაკებებით დასრულდა. 

მათივე განცხადებით, გაფიცვა შემდეგი პირობებით დასრულდა:

"•  15 წელზე მეტია სააგენტოში ხელფასები არ გაზრდილა და ჩვენ მივიღეთ ხელფასების 40%-60%-ით მატება;

•  მივიღეთ ანაზღაურებადი დეკრეტული შვებულება, რაც ნიშნავს, რომ ყოველი ბავშვის გაჩენის შემდეგ ყოველ თვე მშობელი მიიღებს იგივე ხელფასს, როგორც მუშაობისას;

•  გაფიცულებს აუნაზღაურდებათ გაფიცული სამუშაო დრო;

•  სოც. აგენტები და უფროსი სოც. აგენტები იქნებიან უზრუნველყოფილი ტრანსპორტით;

•  გაუქმდება ერთთვიანი ხელშეკრულებები და ყველა დასაქმებულთან დაიდება ერთწლიანი ხელშეკრულებები;

•  შეიქმნება სპეციალური საკომუნიკაციო პლატფორმა დასაქმებულსა და დამსაქმებელს შორის;

•  უმჯობესდება დანამატის წესი და მოიხსნება 15 დღიანი ლიმიტი;

ეს მხოლოდ დასაწყისია, ჩვენი პროფკავშირული კოლექტიური ბრძოლა გრძელდება! ეს არის მხოლოდ პირველი წინ გადადგმული ნაბიჯი!....ეს მხოლოდ დასაწყისია, ჩვენი პროფკავშირული კოლექტიური ბრძოლა გრძელდება!", - წერია განცხადებაში.