შეერთებული შტატების სენატის დემოკრატმა წევრებმა მოამზადებს სანქციათა პაკეტი რუსეთის წინააღმდეგ, რომელიც უკრაინაში სამხედრო შეჭრის შემთხვევაში უნდა ამოქმედდეს. იუწყება გამოცემა Washington Post-ი.
დემოკრატი სენატორების მიერ მომზადებული პაკეტი ითვალისწინებს მკაცრი სანქციების დაწესებას რუსეთის ოფიციალური პირების, მათ შორის ვლადიმირ პუტინის მიმართ, თუ რუსეთი უკრაინის წინააღმდეგ სამხედრო ქმედებებს დაიწყებს. სანქციები ასევე მიემართება რუსეთის ფედერაციის საბანკო სტრუქტურების წინააღმდეგ.
Washington Post-ის თანახმად, დემოკრატების თითქმის ორმა ათეულმა, მათ შორის უმრავლესობის ლიდერმა ჩაკ შუმერმა უკვე დაუჭირეს მხარი კანონპროექტს, რომელიც საგარეო საქმეთა კომიტეტის თავმჯდომარემ რობერტ მენენდესმა შეიმუშავა.
კიდევ ერთი კანონპროექტი, რომელიც რუსეთის შეკავების მიზნით მომზადდა, რესპუბლიკელმა სენატორებმა შეიმუშავეს. ეს კანონპროექტი ფოკუსირებულია უკრაინის სამხედრო მხარდაჭერასა და "ჩრდილოეთის ნაკადი 2"-ი შეჩერებაზე.
"კანონპროექტი ითვალისწინებს ნაბიჯებს უკრაინის უსაფრთხოების გაძლიერებისკენ და აშშ-ის ადმინისტრაციას მოუწოდებს, განიხილოს ყველა დასაშვები და შესაბამისი ზომები იმის უზრუნველსაყოფად, რომ გაზსადენი "ჩრდილოეთ ნაკადი-2", როგორც რუსეთის ბოროტი გავლენის ინსტრუმენტი არ ამოქმედდება", - იუწყებიან კანონპროექტის რესპუბლიკელი ინიციატორები.
ეროვნული უსაფრთხოების საბჭოს წარმომადგენელმა Washington Post-ს განუცხადა, რომ თეთრი სახლი მხარს დაუჭერს სენატორ ბობ მენენდესის კანონპროექტს, რომელიც "გამოიწვევს სერიოზულ ზიანს რუსეთის ეკონიმიკისთვის" თუ იგი უკრაინაში შეიჭრება.