ციციშვილის სახელობის ბავშვთა კლინიკაში კორონავირუსით ინფიცირებული 4 თვის ჩვილი გარდაიცვალა. შემთხვევა გუშინ, 4 იანვარს მოხდა.
გავრცელებული ინფორმაციით, ჩვილს სხვა დაავადებებზე სხვა კლინიკაში მკურნალობდნენ, სადაც ის კორონავირუსით დაინფიცირდა და ციციშვილშიც ამის შემდეგ გადაიყვანეს.
საავადმყოფოს კლინიკური დირექტორმა, მაია ჩხაიძემ "რადიო თავისუფლებასთან" საუბრისას განაცხადა, რომ ჩვილს უმძიმესი ფორმით გულის მანკი ჰქონდა.
"კორონავირუსი ჰქონდა, მაგრამ მას ასევე ჰქონდა უმძიმესი ფორმით გულის მანკი. მისი მდგომარეობაც განპირობებული იყო გულის მანკით, ვიდრე კორონავირუსით, უბრალოდ, ძალიან მძიმე მდგომარეობა იყო", - ამბობს მაია ჩხაიძე.
ბოლო 6 დღეში კლინიკაში ვირუსს ორი ჩვილი ემსხვერპლა.
საავადმყოფოში ამ დროისთვის 50 პაციენტი მკურნალობს, მათ შორის ერთის მდგომარეობა კრიტიკულად მძიმეა.