"წარმომადგენლობითი სახალხო კრების" საინიციატივო ჯგუფის წევრებმა მეტროსადგურ "თავისუფლებასთან" მხარდამჭერებთან შეხვედრა გამართეს.
მათ აქციაზე მისულ ადამიანებს 25 ნოემბერს "წარმომადგენლობითი სახალხო კრების" მხარდამჭერთა გაფართოებულ საპროტესტო აქციაზე მისვლისკენ მოუწოდეს.
"25 ნოემბერს დაიწყება ქვეყნის ხელისუფლების შეცვლის პროცესი. საინფორმაციო ხასიათის შეხვედრებს ჩვენ თბილისის ყველა რაიონსა და საქართველოს რეგიონებში ვმართავთ. 25 ნოემბერს აქციაზე უამრავი ხალხი მოვა ამ ხელისუფლების შესაცვლელად", - განაცხადა "სახალხო კრების" საინიციატივო ჯგუფის ერთ-ერთმა წევრმა გურამ ფირცხალავამ.
შეგახსენებთ, რომ 25 ნოემბერს, საქართველოს პარლამენტის წინ 15:00 საათზე "სახალხო წარმომადგენლობითი კრების" ინიციატივით საპროტესტო აქცია გაიმართება.
