თბილისის მერიის ინფორმაციით, 31 დეკემბრის ღამეს, მოსახლეობას მუნიციპალური ტრანსპორტი გახანგრძლივებული დროით მოემსახურება.
აღნიშნული პირობა მხოლოდ კონკრეტულ მარშრუტებს ეხება და ძირითადად იმ ადამიანებს მიემართება, რომელთაც 31 დეკემბრის ღამეს, დედაქალაქში დაგეგმილ საახალწლო ღონისძიებაზე დასწრება აქვთ განზრახული.
მერიის განცხადებით, ავტობუსები 23:00-დან 03:00 საათამდე მსურველებს მათთვის ხელსაყრელ მეტროსადგურებთან დააკავშირებენ, რის შემდეგაც, მგზავრები შეძლებენ, დანიშნულების ადგილზე მეტროს დახმარებით მივიდნენ.
დროის აღნიშნულ მონაკვეთში, მგზავრები ავტობუსით, მეტროსა და "რიყე-ნარიყალას" საბაგირო ხაზის დახმარებით, გადაადგილებას უფასოდ შეძლებენ.
ახალი წლის ღამეს, 03:00 საათამდე იმუშავებენ შემდეგი ავტობუსები:
მეტროსადგურ "დიდუბემდე" - N1, N2, N3, N6, N7, N11
მეტროსადგურ "ავლაბრამდე" - N12, N14, N17, N18, N20, N22, N25, N27, N28, N30, N31, N36, N39, N40, N41, N42, N43, N45, N46, N47, N49, N52, N53, N56, N60, N62, N68, N70, N71, N72, N73, N77, N78, N79, N80, N84, N87, N90, N91, N95, N99, N106, N108, N110, N121, N122
ასევე - N150, N321, N330, N332, N334, N339, N343, N344, N346, N363, N377 და N383.
6 იანვარს, შობის ღამეს, მგზავრებს თბილისის მეტრო 00:00-დან 03:00 საათამდე მოემსახურება. მოქალაქეები ამ შემთხვევაშიც, უფასოდ იმგზავრებენ.
შეგახსენებთ, დედაქალაქში დაგეგმილი საახალწლო ღონისძიებების გამო, 31 დეკემბრის 10:00 საათიდან პირველი იანვრის 05:00 საათამდე, ჯავახიშვილისა და ინაშვილის ქუჩებზე ტრანსპორტის მოძრაობა დროებით შეიზღუდება.
ამასთან, საახალწლო ღონისძიებების გამო, 31 დეკემბრის 20:00 საათიდან პირველი იანვრის 05:00 საათამდე, პირველი რესპუბლიკის მოდანზე, რუსთაველის გამზირსა და თავისუფლების მოედანზე ტრანსპორტის გადაადგილება შეიზღუდება. დეტალები იხილეთ ბმულზე.
