გარემოსდაცვითი ზედამხედველობის დეპარტამენტის სამცხე-ჯავახეთის რეგიონული სამმართველოს თანამშრომლებმა ხე-ტყის უკანონო ჭრის 31 ფაქტი გამოავლინეს.
ბორჯომის, ადიგენის და ახალციხის მუნიციპალიტეტებში, მოქალაქეებმა ჯამში 49 ერთეული სხვადასხვა სახეობის ხე მოჭრეს.
უკანონოდ მოპოვებული ხე-ტყე დაილუქა. შედგა შესაბამისი ოქმები. მასალები, შემდგომი განხილვის მიზნით, შესაბამის რაიონულ სასამართლოში გადაიგზავნება.
