ავსტრალიაში „კოვიდ-19“-ის საწინააღმდეგო ნაზალური სპრეის ტესტირება მიმდინარეობს ავსტრალიაში იმ სისხლის გამათხელებლის ტესტირება მიმდინარეობს, რომელიც შესაძლოა, ნაზალური სპრეის სახით ჩაეშვას გაყიდვაში.
კვლევისას მეცნიერები დააკვირდებიან პრეპარატ „ჰეპარინის“ შემცველი ცხვირის აეროზოლის მოქმედებას, რომელმაც, არსებული გათვლებით, ინფიცირებული პირის ცხვირში არსებული „კოვიდ-19“-ის ცილები უნდა გაანეიტრალოს, რაც, შედეგად, გამოჯანმრთელებას მოიტანს.
მკვლევრების მტკიცებით, ახალი სპრეის შესხურების შემდეგ, ინფიცირებული პირი სხვებისთვის გადამდები აღარ იქნება. ავსტრალიაში კლინიკური კვლევები 2022 წლის მეორე ნახევრისთვის დასრულდება და პრეპარატის გამოყენება მოქალაქეებისთვის ხელმისაწვდომი გახდება. პრეპარატს საპროფილაქტიკო დანიშნულებაც ექნება. მისი გამოყენება განსაკუთრებით მიზანშეწონილი იქნება ხალხმრავალ ადგილებში სტუმრობამდე ცოტა ხნით ადრე.
