ქუთაისში, მდინარე წყალწითელაში ავტომობილი გადავარდა, რის შედეგადაც ორი ადამიანი გარდაიცვალა. როგორც თვითმხილველები აცხადებენ, შემთხვევა დილით მოხდა.
guria.tv-ს ინფორმაციით, ავტომობილში ხუთი ადამიანი იმყოფებოდა, მათგან სამმა გამოსვლა მოახერხა, ორი კი ადგილზე გარდაიცვალა. გარდაცვლილები ახალგაზრდები არიან.
ადგილზე სამაშველო სამუშაოები მომდინარეობს, მაშველებმა ავტომობილი უკვე ამოიყვანეს.
