დაავადებათა კონტროლის ეროვნული ცენტრი ფაიზერისა და ასტრაზენეკას შემთხვევაში ბუსტერის გაკეთების ვადის ჩამოწევას განიხილავს. როგორც ცენტრის ხელმძღვანელმა ამირან გამყრელიძემ განაცხადა, აღნიშნული ინიციატივის განხილვა იმუნიზაციის საბჭოს მოუწევს.
"ფაიზერზეც და ასტრაზენეკაზეც ბუსტერის პერიოდი 5 თვიდან ჩამოიწიოს უფრო დაბლა. „ომიკრონთან“ ბრძოლისას ბუსტერიზაცია ერთ-ერთი მნიშვნელოვანი შემაკავებელი ფაქტორია“, - განაცხადა გამყრელიძემ.
დღეს ფაიზერისა და ასტრაზენეკას შემთხვევაში ბუსტერის გაკეთება 5 თვის შემდეგაა შესაძლებელი.
