ენერგეტიკის მინიტრმა ალექსანდრე ხეთაგურმა, საქართველოში ამერიკის შეერთებული შტატების ელჩთან ჯონ ბასთან, ნავთობისა და გაზის კორპორაციის გენერალურ დირექტორ ზურაბ ჯანჯღავასთან და პრეზიდენტის რწმუნებულთან სამეგრელო ზემო სვანეთის მხარეში ზაზა გოროზიასთან ერთად დღეს ფოთი-სენაკის მაგისტრალური გაზსადენის მშენებლობა დაათვალიერეს.
როგორც ენერგეტიკის მინისტრმა განაცხადა საპრეზიდენტო პროგრამა გაზი ყველა სოფელს ~ გრძელდება. ამჯერად ბუნებრივ აირს მიიღებს ქალაქ ფოთის მოსახლეობა და ხობის რაიონის სოფლები სულ 25 000 ოჯახი. პროექტი მნიშვნელოვანია როგორც ფოთის ინდუსტრიული ზონის განვითარებისათვის ასევე მოსახლოების სოციალურ ეკონომიკური მდგომარეობის გასაუმჯობესებლად.
ნავთობის და გაზის კორპორაციის გენერალური დირექტორის ზურაბ ჯანჯღავას განცხადებით, სამუშაოებს კორპორაციის დაკვეთიი ორი კონტრაქტორი კომპანია - საქჰიდრო და ხიდმშენი აწარმოებენ. სამუშაოები გეგმის ფარგლებში მიმდინარეობს და დეკემბრის მეორე ნახევარში დასრულდება
საქართველოში ამერიკის ელჩის ჯონ ბასის განცხადებით, ამერიკის მთავრობა აგრძლებს საქართველოს მხარდაჭერას, რაც მნიშვნელოვანი პროექტების დაფინასებაში გამოიხატება. აღნიშნული გაზსადენის მშენებლობა, რეგიონში ეკონომიკის განვითარებას და ინვესტიციების მოზიდვას შეუწყობს ხელს. მოსახლოებისათვის კი მათი საცხოვრებელი პირობების გაუმჯობესებას გამოიწვევს
გაზსადენის მშენებლობა, აშშ განვითარების სააგენტოს 115 მილიონი აშშ დოლარის ოდენობის გრანტით ხორციელდება.
