საქართველოს მესამე პრეზიდენტის დედა გიული ალასანია კათოლიკოს-პატრიარქს ილია მეორეს შეხვდა.
გიული ალასანიას განმარტებით, პატრიარქისთვის სულერთი არაა მიხეილ სააკაშვილის მდგომარეობა და სააკაშვილსაც ყოველთვის აქვს უწმინდესის იმედი.
"მე ვიცი, რომ მისთვის არაა სულერთი ჩემი შვილის მდგომარეობა. ვიცი, რომ ჩემს შვილს ყოველთვის აქვს უწმინდესის იმედი. ვისაუბრეთ, ძალიან ცოტა ხანი გაგრძელდა ეს შეხვედრა. პატრიარქი, სამღვდელოებასთან ერთად იყო, რომლებიც, ალბათ, ზრუნავენ მასზე, ვილაპარაკეთ საერთოდ, ზოგადად, რომ საქართველოში როგორი ტრადიცია იყო, რომ სიცოცხლე ძალიან ფასობდა. ჩვენ სამართალში სიკვდილით დასჯის მუხლი არ არსებობდა, არ იყო ჩვენთან. ასეთი თემები, ჯანმრთელობა ვუსურვე და წამოვედი. არაფერი განსაკუთრებული", - განაცხადა გიული ალასანიამ.
გავრცელებული ინფორმაციით, გიული ალასანიასა და პატრიარქს შორის შეხვედრა გუშინ გაიმართა.
