ფოთის მერობის კანდიდატი გიგი უგულავა, იზოლაციისა და კარანტინის წესების დარღვევისთვის, ადმინისტრაციულ სამართალდარღვევათა კოდექსის 42-ე პრიმა-10 მუხლის მიხედვით 2000 ლარით დაჯარიმდა. ინფორმაციას შსს ავრცელებს.
შეგახსენებთ, 14 ოქტომბერს, თავისუფლების მოედანზე გამართულ საპროტესტო აქციაზე სიტყვით გამოვიდა გიგი უგულავა, რომელსაც 7 ოქტომბერს კორონავირუსი დაუდასტურდა. აქციაზე უგულავამ განაცხადა, რომ არ შეეძლო აქციაზე არ მისულიყო და ექიმებს მადლობა გადაუხადა ამ შესაძლებლობისთვის.
მოგვიანებით, უგულავამ სოციალურ ქსელში დაწერა, რომ კორონავირუსის სწრაფმა ტესტმა უარყოფითი შედეგი აჩვენა და აქციაზე წასვლა ექიმებთან კონსულტაციების შემდეგ გადაწყვიტა.
შინაგან საქმეთა მინისტრის მოადგილემ 15 ოქტომბერს განაცხადა, რომ გიგი უგულავა კარანტინისა და იზოლაციის წესების დარღვევის გამო დაჯარიმდებოდა.