ბათუმში, 26 მაისის ქუჩაზე 8 ოქტომბერს ჩამონგრეული კორპუსის მომიჯნავედ არსებული საცხოვრებელი სახლიდან, მოქალაქეთა უსაფრთხოებიდან გამომდინარე, პრევენციის მიზნით, მოსახლეობის გაყვანა განხორციელდა.
როგორც ბათუმის მერიაში განმარტავენ, დადგინდა, რომ პირველ სართულზე დაზიანებულია მზიდი კედლის ნაწილი. ამ ეტაპისთვის, კორპუსზე გამაგრებითი სამუშაოების განხორციელებამდე, 40-მდე ოჯახი დროებით საცხოვრებელ ფართშია გადაყვანილი.
შეგახსენებთ, რომ ბათუმში, 26 მაისის ქუჩაზე, 13 ნომერი კორპუსის ერთი სადარბაზო 8 ოქტომბერს, დაახლოებით, 12:00 საათზე ჩამოინგრა. შემთხვევას 9 ადამიანის სიცოცხლე ემსხვერპლა, მათ შორის - 3 ბავშვი.
