საქართველოში ამ დროისათვის სრულად COVID-ვაქცინირებულია 229 236 ადამიანი.
დაავადებათა კონტროლის ეროვნული ცენტრის ინფორმაციით, 14 აგვისტოს ჩათვლით ჯამურად ჩატარდა 767 882 აცრა. სრულად ვაქცინირებულია 229 236 ადამიანი.
ბოლო 24 საათის განმავლობაში აიცრა 26 524 პირი.
ვაქცინაციის პროცესი საქართველოში 15 მარტს დაიწყო. დღევანდელი მონაცემებით, საქართველოში ოთხი ვაქცინით, "სინოფარმით", "სინოვაკით", "ასტრაზენეკათი" და "ფაიზერით" აცრაა შესაძლებელი.
ვაქცინაციის გეგმის თანახმად, წლის ბოლომდე, საქართველოს მოსახლეობის 60%, ანუ მილიონ 700 ათასი ადამიანი უნდა აიცრას.
