18 ნოემბერს პარლამენტში საქართველოს პირველი პრეზიდენტის, ზვიად გამსახურდიას გარდაცვალების ფაქტის შემსწავლელი კომისიის სხდომაა დაგეგმილი. სხდომაზე განიხილება ორი საკითხი _ პირველი შეეხება სამართალდამცავ სტრუქტურებსა და სხვა სახელმწიფო ორგანოებში დღემდე არსებულ დოკუმენტურ მასალას კომისიის გამოსაძიებელ ფაქტთან დაკავშირებით.
მოხდება აღნიშნული დოკუმენტების ნუსხის შედგენა და განსაზღვრა თუ კომისია ამ მასალას რა გრაფიკით გაეცნობა.
მეორე საკითხი ეხება თავად კონსტანტინე გამსახურდიას მიერ გადაღებული დოკუმენტური მასალის გაანალიზებას. როგორც იგი აღნიშნავს, ამ ფილმის გადაღებისას მოგროვებულია საკმაოდ დიდი რაოდენობის დოკუმენტური მასალა და მიიჩნევს, რომ მასალის დამუშავება უნდა მოხდეს უკვე კომისიის დონეზე.
