ციფრული ანალიტიკის კომპანია App Annie-ის მონაცემების თანახმად, ინტერნეტის მომხმარებლებმა 2020 წელს ყველაზე მეტჯერ TikTok-ის აპლიკაცია გადმოწერეს.
ყველაზე ხშირად გადმოტვირთული აპლიკაციების ხუთეულში, TikTok-თან ერთად, შედიან Facebook-ი, WhatsApp-ი, Instagram-ი და Facebook Messenger-.
აღსანიშნავია, რომ ამ ხუთეულიდან TikTok-ი ერთადერთი აპლიკაციია, რომელსაც კორპორაცია Facebook-ი არ ფლობს, დანარჩენი 4 აპლიკაცია ამერიკულ გიგანტს ეკუთვნის.
ჩინური კომპანიის Bytedance-ს აპლიკაცია TikTok მთელს მსოფლიოში დიდი პოპულარობით სარგებლობს. მისდამი განსაკუთრებული ინტერესი პანდემიის დროს გაჩნდა. ცნობილმა ადამიანებმა აქტიურად დაიწყეს სხვადასხვა სახის გასართობი ვიდეოების განთავსება, რამაც აპლიკაციის ცნობადობა კიდევ უფრო გაზარდა. აპლიკაცია საქართველოშიც დიდი პოპულარობით სარგებლობს.
გასულ წელს, აშშ-ის 45-ე პრეზიდენტმა დონალდ ტრამპმა გამოსცა აღმასრულებელი ბრძანებულება, რომლითაც TikTok-ის აპლიკაციის გადმოწერა აიკრძალა. აშშ-ის ხელისუფლება მიიჩნევდა, ჩინური აპლიკაცია საფრთხეს უქმნიდა ქვეყნის ეროვნულ უსაფრთხოებას.
გაპრეზიდენტების შემდეგ, ჯო ბაიდენმა გააუქმა ტრამპის აღმასრულებელი ბრძანებულება.
