ჯანდაცვის მინისტრი ეკატერინე ტიკარაძე და მინისტრის პირველი მოადგილე თამარ გაბუნია თბილისის სახელმწიფო სამედიცინო უნივერსიტეტში ვაქცინაციის პროცესს გაეცნენ.
მინისტრმა აღნიშნა, რომ დღეს საქართველოში ფაიზერის დამატებითი 162 630 დოზა შემოვიდა და განმარტა, რომ იმუნიზაციის პროცესი კიდევ უფრო გაფართოვდება.
სამედიცინო უნივერსიტეტში მასობრივი ვაქცინაციის ცენტრი დღეს გაიხსნა და ფაიზერით იმუნიზაციის პროცესი მიმდინარეობს. მსურველებს რეგისტრაცია ონლაინ www.booking.moh.gov.ge -ს ან ცხელი ხაზის 1522-ის დახმარებით შეუძლიათ.
რეგისტრირებული პირები სამედიცინო უნივერსიტეტის მესამე კორპუსში, ვაჟა-ფშაველას N33-ში, დაჯავშნილ ვიზიტამდე 10 წუთით ადრე უნდა მივიდნენ.