ამასობაში კიდევ ერთი გადაუმოწმებელი და ყალბი ნიუსი გავრცელდა, თითქოს სხვა სარეკლამო კომპანიამ 10 საათის შემდეგ მიიღო შეტყობინება საგადასახადო შემოწმებაზე, წერს სოციალურ ქსელში ფინანსთა მინისტრი ლაშა ხუციშვილი. მისი განმარტებით, რუსთავი 2-ის და იმედის "გაყიდვების სახლის" საგადასახადო შემოწმების ბრძანება გამოცემულია 21 ივლისს, ამავე დღეს არის გაგზავნილი ელექტრონულად და გადამხდელს გახსნილი აქვს შეტყობინება 22 ივლისს.
"ამჯერად ასეთი ამბავია:
მთავარი არხის ე.წ. "გაყიდვების სახლის" საგადასახადო შემოწმების ბრძანება გამოცემულია 23 ივლისს, ამავე დღეს არის გაგზავნილი ელექტრონულად და გადამხდელს გახსნილი აქვს შეტყობინება 27 ივლისს 11:11 საათზე.
რაც შეეხება ინფორმაციაში ნახსენებ კომპანიას, მისი საგადასახადო შემოწმების ბრძანება გამოცემულია 21 ივლისს, ამავე დღეს არის გაგზავნილი ელექტრონულად და გადამხდელს გახსნილი აქვს შეტყობინება 22 ივლისს.
ინფორმაციაში ნახსენები კომპანიის შემოწმების ბრძანება გამოცემულია და ელექტრონულად გაგზავნილი 2 დღით ადრე და არა 10 საათის შემდეგ. გაუგებარია ან ამით რისი დამტკიცების მცდელობას აქვს ადგილი, მაგრამ თავად მოწოდებული ინფორმაციაც არის ტყუილი", - წერს სოციალურ ქსელში ფინანსთა მინისტრი ლაშა ხუციშვილი.
შეგახსენებთ, რომ მთავარი არხის ხელმძღვანელმა გაავრცელა ინფორმაცია, რომ ""აქა ამბავი, როგორ გადაწყვიტა საგადასახადომ ჩვენს მიერ ატეხილი ხმაურის გადაფარვა: ხომ თქვეს, 500 შემთხვევითი შერჩევით კომპანიაში შევედითო. ეს ჩვენ დღის 12 საათზე ვიცოდით. მერე ყარეს სრული სისულელე განცხადებები. არ უშველათ და აგერ 2 საათის წინ რ2ის და იმედის საერთო გაყიდვების სახლს (დი ეს კაპიტალი) აცნობეს, რომ ისინიც შემთხვევით შერჩეულ 500ში არიან. უბრალოდ, ათი საათის შემდეგ მოხდა ეგ. დააბალანსეს ბიჭებმა"
