„მე ვერ ვიხსენებ კრიტიკის ისეთ ნიაღვარს ჩვენი სტრატეგიული პარტნიორის აშშ-ის მხრიდან "ქართული ოცნება" რომ დღეს იღებს და ისეთ არაადეკვატურ რეაგირებას, რასაც "ქართული ოცნება" ახორციელებს", აცხადებს ლელოს ერთ-ერთი ლიდერი.
ბადრი ჯაფარიძის თქმით, ეს არის ცეცხლთან თამაში და სრულიად უპასუხისმგებლო ქცევა, როცა მმართველი ძალა დღეს სასწორზე აგდებს სტრატეგიულ პარტნიორთან ურთიერთობას.
„ეს არის ცეცხლთან თამაში, სრულიად უპასუხისმგებლო ქცევაა, როცა მმართველი ძალა სასწორზე აგდებს პარტნიორ ქვეყანასთან ურთიერთობას, რათა როგორმე შეინარჩუნოს სრული კონტროლი სასამართლო ხელისუფლებაზე და პასუხი არ აგოს იმაზე, რომ მიმდინარეობდა 5 ივლისს სისტემური ორგანიზებული დევნა მედიაზე. „ქართული ოცნება“ გონს თუ არ მოეგება და ადეკვატურ ნაბიჯებს არ გადადგამს, რა თქმა უნდა, ეს შეფასებები კონკრეტულ ნაბიჯებად გარდაიქმნება“, – განაცხადა ბადრი ჯაფარიძემ.