მოლოდინი გვაქვს იმის, რომ რამდენიმე წუთში დასრულდება ნიკა მელიას პოლიტიკური ტყვეობა, - აცხადებს ერთიანი ნაციონალური მოძრაობის თავმჯდომარის ნიკა მელიას ადვოკატი გიორგი კონდახიშვილი.
მისი თქმით, მელიას შეუპოვარმა ბრძოლამ, პრინციპულობამ და მეგობრებმა ევროკავშირის, აშშ-ის ძალისხმევით, ხელისუფლება გახადა იძულებული, რომ წერტილი დაუსვას ამ სიგიჟეს, რომელიც დაკავშირებული იყო ოპოზიციის ლიდერის პოლიტიკურ ტყვეობასთან.
"ეს რამდენიმე წუთში დასრულდება. უბრალოდ, რაც სასამართლოში ხდება ეს არის ჩვეულებრივად პოლიტიკური გადაწყვეტილების გაფორმება, ანუ როგორც მოხდა თავის დროზე პოლიტიკური აქტით მელიას დატყვება, რამდენიმე წუთში სწორედ ასე პოლიტიკური გადაწყვეტილებით იგი გათვისუფლდება.
ჩვენი პოზიცია არის უცვლელი როგორც იყო თვეების განმავლობაში, ნიკა მელია არის უკანონო პოლიტიკური პატიმარი. იგი საერთოდ არავითარი აღკვეთის ღონისძიების ქვეშ არ უნდა იყოს" , - განაცხადა კონდახიშვილმა.
