"რაკია" 2011 წელს ფოთის პორტის საკუთარი აქციების საერთაშორისო ბირჟებზე გაყიდვას გეგმავს. ამის შესახებ "რაკიას" სამეთვალყურეო საბჭოს თავმჯდომარე ჰატერ მასაადმა გამოცემა "ზევიასთან" ინტერვიუში განაცხადა.
მისი თქმით, კომპანია ფოთის პორტის დატოვებას სტრატეგიულ აქტივად არ განიხილავს.
"ეს არ არის ჩვენთვის სტრატეგიული აქტივი, თუ ჩვენ შეგვიძლია ფული ვიშოვოთ რაღაცის გაყიდვით, რატომ არ უნდა გავაკეთოთ ეს?", - განაცხადა მასაადმა.
როგორც სააგენტო "ჯი-ეიჩ-ენს" არაბული კომპანიის საქართველოს წარმომადგენლობაში განუცხადეს, ინვესტორი ფოთის პორტს არ ტოვებს. მათი ინფორმაციით, "რაკია" 2011 წელს მისი კუთვნილი ფოთის პორტის აქციების ნაწილს საერთაშორისო საფონდო ბირჟებზე პირველად განთავსებს.
როგორც ცნობილია, "რაკიას" საქართველოს დედაქალაქ თბილისში 3 შერეული პროექტი აქვს, რომელიც ჯამში 2 მილიარდი დოლარის ინვესტიციას გულისხმობს.
"რაკიამ" ფოთის პორტის საკონტროლო პაკეტი 2008 წლის აპრილში შეიძინა 90 მილიონ აშშ დოლარად და ფოთში, 300 ჰექტარის მიწის ნაკვეთზე, თავისუფალი ინდისტრიული ზონის განვითარება დაიწყო. მოგვიანებით იმავე წელს "რაკიამ" სახელმწიფოსგან ფოთის პორტის დარჩენილი 49% აქციებიც 65 მილიონ აშშ დოლარად შეიძინა.
შეგახსენებთ, რომ არაბეთის გაერთიანებული საამიროები, საქართველოში ძირითადად "რაკიას" სახელითაა წარმოდგენილი.
საქართველოში განხორციელებულ პირდაპირ უცხოურ ინვესტიციების მხრივ 2008 და 2009 წლებში პირველ ადგილზე იყო, შესაბამისად 306.5 მილიონი და 169.8 მილიონი აშშ დოლარით. საქსტატის მონაცემებით, 2010 წლის პირველ კვარტალში არაბეთის გაერთიანებულ საამიროებიდან საქართველოში პირდაპირი უცხოური ინვესტიციები არ განხორციელებულა.
იამვდროულად, 2008 წელს მთაწმინდის პარკი 49-წლიანი იჯარით "რაკიინ დეველოპმენტს" გადაეცა.
ბადრი პატარკაციშვილის კუთვნილ კომპანია "ლინქსს" მთაწმინდის პარკი 2007 წელს ცნობილი პოლიტიკური მოვლენების დროს, ვალდებულებათა შეუსრულებლობის მიზეზით ჩამოართვეს.