დღეს, 2 ნოემბერს, "ელიტ ელექტრონიქსის" ქსელს რიგით ოცდამეერთე მაღაზია შეემატება. კომპანიის მენეჯმენტის ინფორმაციით, ახალი მაღაზია ვაჟა-ფშაველას # 36-ში 150 კვადრატულ მეტრს მოიცავს და ქსელის სხვა ობიექტის მსგავსად, მომხმარებელს ყველაზე ცნობილი ბრენდების რამდენიმე ასეული დასახელების პროდუქტს შესთავაზებს.
"ეს „ელიტ ელექტრონიქსის" ქსელის რიგით ოცდამეერთე მაღაზიაა. სასაჩუქრე აქციაც საგანგებოდ მაღაზიის გახსნას დავუკავშირეთ. მხოლოდ ორ ნოემბერს, ახალი მაღაზიის მომხმარებლებს, საჩუქრად 100-ლარიანი ვაუჩერი გადაეცემათ, რომლის განაღდებაც ჩვენი მაღაზიების ქსელის ნებისმიერ ობიექტში იქნება შესაძლებელი", - აცხადებს "ელიტ ელექტრონიქსის" დირექტორის პირველი მოადგილე დავით კენჭაძე.
მისი ინფორმაციით წლის ბოლომდე "ელიტ ელექტრონიქსის" ქსელი კიდევ გაფართოვდება და 2011 წლისთვის კომპანია მთელი საქართველოს მასშტაბით დამატებით 4 ახალ მაღაზიას გახსნის.
"2010 წლის ბოლომდე კიდევ ოთხი მაღაზიის გახსნა იგეგმება. აქედან ერთ-ერთი ყველაზი დიდი და განსხვავებული მაღაზია თბილისი ცენტრალში იფუნქციონირებს. რაც შეეხება დანარჩენ სამს, ერთი მათგანი ბათუმში გაიხსნება ორი კი რეგიონებში. ჩვენი სურვილია, „ელიტ ელექტრონიქსი" როგორც ლიდერი ტექნიკის ბაზარზე, ქვეყანაში ფართო ქსელით იყოს წარმოდგენილი, რათა შევძლოთ მომხმარებელს პროდუქცია ლოკალურად, მისივე ქალაქში მდებარე მაღაზიაში შევთავაზოთ", _ აცხადებს კენჭაძე.
"ელიტ ელექტრონიქსი" მომხმარებელს პერმანენტულად ანებივრებს სხვადასხვა წამახალისებელი და სასაჩუქრე აქციებით. 2 ნოემბრიდან "ელიტ ელექტრონიქსის" ქსელში ერთდროულად სამი ახალი აქცია იწყება.
აქცია "მობილური საუკეთესო ფასად" მომხმარებელს სამი ცნობილი ბრენდის: "ნოკიას", "სონი ერიქსონისა" და "HTS"-ის მობიური ტელეფონების სხვადასხვა მოდელს ყველაზე დაბალ ფასად შესთავაზებს.
აქცია "მიიღე საჩუქარი" კი "შარპის" ნებისმიერ LED ტელევიზორზე გავრცელდება. ყველა მყიდველი ტელევიზორის შეძენისთანავე "ელიტ ელექტრონიქსისგან" "აიპოდის" პორტატულ მინისისტემა "DK-AP8P"-ს მიიღებს.
რაც შეეხება აქციას "დაზოგე", ამჯერად მყიდველები "გორენიეს" მაცივარის შეძენისას 200-ლარიან ფასდაკლებას მიიღებენ. მათ დამატებით საჩუქრად 100-ლარიანი ვაუჩერი გადაეცემათ, რომლის განაღდებაც "გორენიეს" სარეცხი მანქანებზე შეეძლებათ.
სს "ელიტ ელექტრონიქსი" საქართველოს სამომხმარებლო ბაზარზე 1996 წლიდან ფუნქციონირებს და სადღეოსოდ 21 მაღაზიას მოიცავს. კომპანიას გამოარჩევს ფართო და მუდმივად განახლებადი ასორტიმენტი, საგარანტიო მომსახურება, შეძენილი ნივთის ადგილზე მიტანის, საქონლის განვადებით შეძენის სერვისი, მომსახურების მაღალი დონე, სისტემატურად ფასდაკლებებისა და სპეციალური საჩუქრების დაწესების ტრადიცია.