საქართველოში ინვესტიციების განხორციელებით ჩინური და ინდური კომპანიები არიან დაინტერესებული, ამის შესახებ განცხადებას ინდოეთსი მყოფილი საქართველოს ენერგეტიკის მინისტრი აკეთებს.
საქართველოს პრემიერ მინისტრი ნიკა გილაური სამუშაო ვიზიტით ინდოეთში იმყოფება. ქართული დელეგაციის შემადგენლობაში ენერგეტიკის მინისტრი ალექსანდრე ხეთაგურიც იმყოფება.
ინდოეთში ჩასვლამდე ქართული დელეგაცია ჩინეთში იმყოფებოდა. სადაც ჩინური კომპანიების China International Water & Electric Corporation, Free Trade Zone of Quingdao, Sino Hydro Corporation, China Railway Construction და Gezhouba Group ხელმძღვანელებთან გამართა შეხვედრები. აღნიშნული შეხვედრების დროს საუბარი შეეხო საქართველოში ჰიდროელექტროსადგურების მშენებლობას, სხვადასხვა სატრანსპორტო ინფრასტრუქტურული პროექტების განხორციელების მიმდინარეობას და საქართველოს ტრანზიტული პოტენციალის უფრო აქტიურ გამოყენებას.
ქალაქ მუმბაიში ქართული დელეგაცია მონაწილეობას იღებს "Fინანციალ თიმეს"-ის მიერ ორგანიზებულ ფორუმში "Financial Times". ფორუმზე ნიკა გილაური სიტყვით გამოვა და საქართველოს ეკონომიკურ და პოლიტიკურ განვითარებაზე ისაუბრებს.
"საქართველოში ინვესტიციების განხორციელების კუთხით როგორც ჩინური ასევე ინდური კომპანიების მხრიდან დიდი ინტერესია გამოხატული. ინდურ კომპანია " Trans Electrica LTD"- სთან უკვე გვაქვს ხელი მოწერილი ხუდონის ჰიდროელექტროსადგურის მშენებლობაზე, ასევე ინდური ინვესტიციები საკმაოდ დიდია ნავთობისა და გაზის ძებნა - ძიება და ათვისების სფეროში. ჩვენ იმედი გვაქვს, რომ დამატებით ინვესტიციებს მოვიზიდავთ ამ ქვეყნებიდან ჰიდრორესურსების ათვისების მიმართულებით, რაც ისევ და ისევ საქართველოს ეკონომიკური ზრდის მყარი გარანტია იქნება", _ განაცხადა ალეკო ხეთაგურმა.