დღეიდან, 1-ელი ნოემბრიდან, მობილურ ოპერატორების, შიდა ქსელის, ნომრის პორტაბელურობა ძალაში შევიდა. კომუნიკაციების მარეგულირებელი კომისიის ინფორაციით, საშუალება აქვთ, ნომრის შეუცვლელად მისთვის სასურველი სატარიფო პაკეტი აირჩიონ. მაგალითად, თუ აბონენტს აქვს "ჯეოსელის" "77" ნომერი, მას შეუძლია საკუთარი ნომერი ინდექსის გამოცვლის გარეშე, სრულად გადაიტანოს "ლაი-ლაის" ნებისმერ სატარიფო პაკეტში. იგივე ვრცელდება "მაგთიკომის" შემთხვევაშიც.
აბონენტს, რომელიც სარგებლობს "მაგთის" სატარიფო პაკეტით, შეუძლია ინდექსისა და ნორმის გამოცვლის გარეშე, საკუთარი ნომერი გადაიტანოს "ბანის" ან "ბალის" სატარიფო პაკეტში. აღნიშნული ცვლილება ეხება ასევე ადგილობრივი ქსელის აბონენტებსაც და აბონენტებს უფლება აქვთ მიიღონ მომსახურება ოპერატორის მიერ შეთავაზებული ნებისმიერი ტექნოლოგიით, სადენით თუ უსადენოდ, ნომრის გამოცვლის გარეშე. კომისიაში იმედოვნებენ, რომ აღნიშნული ცვლილების შედეგად, მოხდება ტარიფების შემცირება.
ნომრის პორტაბელურობის მომსახურების მიღების სურვილის შემთხვევაში, აბონენტებმა უნდა მიმართონ მომსახურების მიმწოდებელ კომპანიას, ხოლო იმ შემთხვევაში, თუ აღნიშნული მომსახურების მიწოდებას კომპანია არ უზრუნველყოფს, მომხარებელმა მარეგულირებელ კომისიას უნდა მიმართოს.
კომუნიკაციების მარეგულირებელი კომისიში განმარტავენ, რომ 2011 წელის 16 თებერვლიდან, აღნიშნული ცვლილება ძალაში კომპანიებს შორისაც შევა და "მაგთის" აბობენს საშუალება ეძლევა ნომრის შეუცვლელად "ბილაინის" ან "ჯეოსელის" აბონენტი გახდეს და პირიქით.
