დაბალი ძაბვის #5000 ცენტრალურ გამანაწილებელი პუნქტის ტრანსფორმატორზე კომპანია `თელასის" მიერ პროფილაქტიკური სარემონტო სამუშაოების ჩატარების მიზნით 2 ნოემბერს 10 საათიდან 13 საათამდე კრწანისის რაიონის მოსახლეობის ნაწილს ელექტროენერგიის მიწოდება დროებით შეუწყდება.
შეზღუდვა შეეხება ჩოლოყაშვილის, კრწანისის, ნადიკვარის, გორგასლის, ორთაჭალის, გულიას, გრიშაშვილისა და ბევრეთის ქუჩების მაცხოვრებლებს.
ელექტრომომარაგება შეეზღუდება: მე-4 სამშობიაროს, შინაგან-საქმეთა სამინისტროს ჰოსპიტალს, კრწანისის რაიონის სახანძრო დაცვის სამსახურს, ავტოსადგურს, #1 საპყრობილეს და გორგასლის ქუჩაზე მდებარე წყალსადენს. ამ ორგანიზაციებს დაგეგმილი გათიშვის შესახებ კომპანიამ წინასწარ უკვე აცნობა.
სარემონტო სამუშაოების დასრულების შემდეგ გათიშულ აბონენტებს ელექტრომომარაგება დაუყოვნებლივ აღუდგებათ.
