ტელეკომპანია "ფორმულას" ტელეწამყვანი, ვახო სანაია მასზე განხორციელებული თავდასხმის საქმის მასალების გასაცნობად შინაგან საქმეთა სამინისტროში დაიბარეს.
"13:00 საპატრულო პოლიციის დეპარტამენტში.
ჩემი საქმის მასალების გასაცნობად მივდივართ მე და ადვოკატი.
ვნახოთ, რა ხდება ერთი საქმეში", წერს სოციალურ ქსელში ტელეწამყვანი.
შეგახსენებთ, რომ ვახო სანაია დაზარალებულად 26 თებერვალს ცნეს.
როგორც ცნობილია, ვახო სანაიასა და მის ოჯახს თავს 25 თებერვალს, გამთენიისას დაესხნენ. როგორც ტელეწამყვანი ყვება, თავდასხმა მის ჟურნალისტურ საქმიანობას უკავშირდება. ის ამბობს, რომ თავდასხმის შედეგად სხვადასხვა სახის დაზიანება მიიღო, დაშავდა მისი რძალიც.
