გერმანიის კანცლერმა ანგელა მერკელმა საზოგადოებას მოუწოდა გერმანიაში უზუნველყონ ჭეშმარიტი გენდერული თანასწორობა.
მისი თქმით, მთავრობის ძალისხმევა მიმართულია მამაკაცებისა და ქალებისთვის თანაბარი შანსების უზრუნველყოფისკენ, ნამდვილი თანასწორობის მისაღწევად.
"ბოლოს და ბოლოს, ქალებმა უნდა მიიღონ იმდენივე ანაზღაურება, რამდენიც კაცებმა! ამიტომ ჩვენთვის აუცილებელია პარიტეტი საზოგადოების ყველა სფეროში" -, განაცხადა მერკელმა ვიდეომიმართვაში, რომელიც 8 მარტთან დაკავშირებით გამოქვეყნდა.
მერკელმა საზოგადოებას მოუწოდა არ შეწყვიტონ მცდელობა, რათა უზრუნველყონ გერმანიაში ორივე სქესის წარმომადგენელთა შეჭმარიტი თანასწორობა.
"არ შეიძლება შეგეუება იმასთან, რომ ქალები, რომლებიც ჩვენი საზოგადოების ფუნქციონირებისათვის მნიშვნელოვან როლს ასრულებენ, არ მონაწილეობენ საჭირო გადაწყვეტილებების მიღებაში პოლიტიკის, ეკონომოკისა და სამოქალაქო სფეროებში", - განაცხადა მერკელმა.
ანგელა მერკელმა აღნიშნა, რომ გერმანიის ხელისუფლება ყველაფერს აკეთებს იმისათვის, რომ ვითარება შეცვალოს. მისი თქმით, კორონავირუსის პანდემიამ ისევ გამოავლინა თითქოს უკვე გადალახული პრობლემები: უფრო და უფრო მეტი ქალი იძულებულია ერთმანეთს შეუთავსოს სახლის საქმეები, ბავშვების მოვლა და სამსახური.
მერკელის მტკიცებით, გერმანიის მთავრობა გენდერული თანასწორობის უზრუნველყოფისათვის ყველაფერს გააკეთებს.