დღეიდან, ბანგლადეშში მოსახლეობის მასობრივი იმუნიზაციის ეროვნული პროგრამა დაიწყო.
იმუნიზაციის პროგრამის ფარგლებში ბანგლადეში კორონავირუსის საწინააღმდეგო AstraZeneca/Oxford-ის იმ ვაქცინას გამოიყენებს, რომელიც ინდოეთში მზადდება და მას Covidshield-ი ჰქვია.
ქვეყნის ჯანდაცვის უწყების ინფორმაციით, იმუნიზაციის გეგმის მიხედვით, მიმდინარე თვის ბოლომდე 3.5 მილიონი ადამიანის ვაქცინაცია იგეგმება.
სამხრეთ აზიაში მდებარე სახელმწიფოს, რომლის მოსახლეობა დაახლოებით 170 მილიონ ადამიანს ითვლის, განზრახული აქვს, რომ მოსახლეობის 80%-ის ვაქცინაცია მოახდინოს.
ბანგლადეშმა AstraZeneca-ს ვაქცინის 30 მილიონი დოზა შეუკვეთა, საიდანაც ამ დროისთვის 5 მილიონი დოზა მიიღო ინდოეთში მდებარე საწარმოდან, რომელიც ასტრაზენეკას ვაქცინებს ამზადებს.
ბანგლადეშის ჯანდაცვის მინისტრის თქმით, გასულ კვირას, იმუნიზაციის ეროვნული პროგრამის დაწყებამდე, 600-მდე სამედიცინო პერსონალი უკვე აიცრა აღნიშნული ვაქცინით და არავითარი სირთულე ან გვერდითი ეფექტი არ გამოუვლენია.
მისივე თქმით, ბანგლადეში ვაქცინის გლობალური ალიანსიდან დამატებით 68 მილიონ დოზას მიიღებს.
