ვაქცინაციის აგრესიული და წარმატებული კამპანიის ფონზე, ისრაელში კორონავირუსის გავრცელების აღსაკვეთად დაწესებული შეზღუდვების შემსუბუქება დაიწყო.
დღეს, ისრაელში გაიხსნა სილამაზის სალონები და ზოგიერთი სხვა ბიზნესი.
დღეიდან ვიზიტორებისთვის გაიხსნა ეროვნული პარკები და ნაკრძალები. ასევე, მოსახლეობას აღარ შეეზღუდება საცხოვრებელი ადგილიდან 1 კილომეტრის მოშორებით გადაადგილება.
სასტუმროები და რესტორნები კვლავ დახურულია, თუმცა რესტორნებს გატანის სერვისით მუშაობა კვლავ უნარჩუნდებათ. საერთაშორისო ფრენებზე შეზღუდვა, ისევე როგორც სახმელეთო საზღვრების დახურვა, შენარჩუნდება 20 თებერვლამდე.
ისრაელში მკაცრი ლოკდაუნი გასული წლის 27 დეკემბერს დაწესდა და მას შემდეგ 4-ჯერ გახანგრძლივდა.
კორონავირუსის საწინააღმდეგო ვაქცინით მოსახლეობის საყოველთაო იმუნიზაციის პროგრამა 9-მილიონიან ისრაელში გასული წლის დეკემებრში დაიწყო და ამ დროისთვის 3 მილიონზე მეტი ადამიანი აცრილია. ამ მონაცემებით, ერთ სულ მოსახლეზე გაანგარიშებით, ისრაელის ვაქცინაციის კამპანია მსოფლიოში ყველაზე სწრაფია.
ისრაელში სულ კორონავირუსის 687 000 დადასტურებული შემთხვევაა გამოვლენილი, გარდაიცვალა 5 000 პაციენტი.
