სრულიად საქართველოს კათოლიკოს-პატრიარქ ილია II-ს შესაძლოა COVID-19-ზე ტესტირება ჩაუტარდეს. პატრიარქის პირადი ექიმის ცისანა შარტავას განმარტებით, პატრიარქის მდივან-რეფერენტის, შორენა თეთრუაშვილის შუალედური პასუხი COVID-19-ზე საეჭვო დადებითია და მას „პისიარ“ ტესტირება უტარდება.
„შორენა თეთრუაშვილის შუალედური პასუხია საეჭვო დადებითი. ახლა დილით კიდევ აიღეს ანალიზი და „პისიარ“ ტესტი 15:00 საათისთვის დამთავრდება, მერე იქნება საბოლოო პასუხი. პირველი პასუხი წუხელ გვიან იყო.
შეიძლება, დაისვას პატრიარქისთვის ტესტის გაკეთების საკითხი, განიხილება ჯერ. ქალბატონ შორენას არ ჰქონდა მასთან შეხება, დისტანციურად იყო, მაგრამ მაინც სიფრთხილისთვის შეიძლება მოხდეს ესეც.
ეპიდემიოლოგები და ყველა ცდილობს, სწორი გზა მონახოს, რათა ყველა გზა იყოს დაცული“, – განაცხადა ექიმმა.
