საქართველოს პარლამენტის უმრავლესობის ლიდერის, ირაკლი კობახიძის განცხადებით, "პატრიოტთა ალიანსი" განადგურდა, "ნაციონალური მოძრაობა" თვითგანადგურების რეჟიმზეა, ხოლო "ევროპული საქართველო" კი ისედაც განადგურებულია.
მისი თქმით, ეს ჯანსაღი, დემოკრატიული პროცესია და საბოლოო ჯამში, "ჯანსაღი პოლიტიკური სპექტრი უნდა ვიხილოთ".
"დღეს უკვე ვიხილეთ სისრულეში მოყვანილი ერთ-ერთი პარტიის თვითგანადგურების დასრულება. რეალურად, "პატრიოტთა ალიანსმა" საკუთარი თავი გაინადგურა იმით, რაც გუშინ გააკეთა, როცა საპარლამენტო მანდატებზე უარი თქვეს. ეს პროცესი ახლა გრძელდება "ნაციონალურ მოძრაობაში" და იმედი გვაქვს, რომ თვითგანადგურების პროცესი წარმატებით დასრულდება. "ევროპული საქართველო" ისედაც განადგურებულია. ეს ჯანსაღი, დემოკრატიული პროცესია და საბოლოო ჯამში, ჯანსაღი პოლიტიკური სპექტრი უნდა ვიხილოთ", - აღნიშნა ირაკლი კობახიძემ.
შეგახსენებთ, "პატრიოტთა ალიანსის" 4-მა წევრმა - ფრიდონ ინჯია, დავით ზილფიმიანი, გელა მიქაძე და ავთანდილ ენუქიძე - პარტია დატოვეს და "ევროპელი სოციალისტების" სახელით პარლამენტში შევიდნენ.
სხვა ოპოზიციური პოლიტიკური პარტიები, რომლებმაც ცესკო-ს ინფორმაციით საარჩევნო ბარიერი გადალახეს, 31 ოქტომბრის საპარლამენტო არჩევნებს გაყალბებულად მიიჩნევენ და უარს ამბობენ პარლამენტში შესვლაზე. მათ უკვე მიმართეს პარლამენტს სადეპუტატო უფლებამოსილების შეწყვეტის მოთხვონით.
