პრეზიდენტის ფეისბუქზე ტროლების მომრავლება მიგვანიშნებს იმაზე, რომ პრეზიდენტმა საზოგადოებას საკვანძო საკითხებზე სწორი ხედვა შესთავაზა. აღნიშნული განცხადება სალომე ზურაბიშვილის ოფიციალურ ფეისბუქგვერდზე ვრცელდება.
"საქართველოს პრეზიდენტის ადმინისტრაცია ეხმაურება დღეს პრეზიდენტის მისამართით გაჟღერებულ პირად შეურაცხყოფებს და მისი ოფიციალური ,,ფეისბუქის“ გვერდზე ტროლების რაოდენობის მომრავლებას, რაც მიგვანიშნებს, რომ პრეზიდენტმა სახელმწიფოებრივად მნიშვნელოვან და საკვანძო საკითხებზე საზოგადოებას სწორი ხედვა შესთავაზა", - ნათქვამია განცხადებაში.
